Vísindin eru svo langt komin, að nú eru stórar byggingar (s.s. Kársnesskóli) rifnar útaf smá myglu og samfélögin lögð niður vegna ímyndaðra sýkinga, vísindamenn lagðir í einelti af Lýgveldinu fyrir að benda á vísindastaðreyndir og við sem bendum á hið augljósa erum Nornir í búningi Samsæriskönnuða!

Menningin er hrunin, næst hrynur Siðmenningin. Þeim sem skilja það væri nær að rannsaka ástæðurnar fyrir því og rifja upp hvernig slíkt þróast, frekar en að rífast um baunatal.

Það eru engin samfélög lengur. Allar okkar hugmyndir, sex þúsund ár aftur í tímann, hafa hrunið (Biblían kallar það fallna engla) og fólk er sturlað og yfirfullt af ranghugmyndum sem fólkið í kringum það uppnefnir veruleika (það er kallað að vera haldinn illum öndum).

Það er til þekking á því hvers vegna menningin okkar er hrunin og það er vitað hvernig það mun þróast, hvers vegna það gerist og hvað hægt er að gera í málinu.

Til gamans; Ríki sem lokar kirkju þar til guð safnaðarins verður bólusettur, er hrunið innanfrá, þó byggingar standi, þó launað embættisfólk sé ennþá fyrir hendi og þó ennþá sé vegakerfi, þá mun það allt hrynja skref fyrir skref (vonandi ekki með hvelli).

Því fyrr sem við, sem samfélag viti borins fólks, hefjum þessa samræðu, því fyrr náum við að forða einhverju úr rústunum. Þetta er ekki heimsendir, hann var allt öðru vísi og tók lengri tíma, s.s. hefur verið margútskýrt annars staðar.

Mannkynið mun aldrei deyja út, því Guð lofaði Nóa að hann myndi aldrei aftur eyða meirihluta mannkyns. Sex þúsund ára hugmyndakerfi leið undir lok þegar heimsendi lauk, fyrir kynslóð síðan, nú er bygging þessa hugmyndakerfis að hrynja því hún viðurkenndi ekki vitjunartíma sinn.

Það merkir að nýtt hugmyndakerfi tekur við og þeir sem neita að ræða þá staðreynd, þeim verður ekki boðið með. Þetta er ekki flókið ósturluðum.